فلم

سارہ خان کی ڈیبیو فلم ’کیدر ناتھ ‘ کا ٹیزر سوشل میڈیا پر مقبول

ممبئی: بالی ووڈ کے چھوٹے نواب سیف علی خان کی بیٹی سارہ علی خان کی ڈیبیو فلم ’کیدر ناتھ‘ کے پہلے ٹیزر نے ریلیز ہوتے ہی سوشل میڈیا پر مقبولیت حاصل کرلی۔میڈیا رپورٹس کے مطابق بالی ووڈ کے اداکار سیف علی خان کی بیٹی سارہ علی خان کی ڈیبیو فلم ’کیدرناتھ‘ کا پہلا ٹیزر اور پوسٹر جاری کردیا گیا جس میں اْن کے مد مقابل سوشانتھ سنگھ راجپوت مرکزی کردار ادا کرتے دکھائی دیں گے۔ایک منٹ اور 39 سیکنڈ کے ٹیزر میں دونوں اداکاروں کو حادثاتی ملاقات، بڑھتی ہوئی قربت بعدازاں مذہب کی وجہ سے پیش آنے والی پریشانیوں کا سامنا کرتے ہوئے دکھایا گیا ہے۔فلم کی جاندار کہانی اور دونوں اداکاروں کی شاندار اداکاری سے بھرپور فلم کے ٹیزر کی مقبولیت کا اندازہ اس بات سے لگایا جاسکتا ہے کہ صرف ایک دن میں یوٹیوب پر اس ٹیزر کو 38 لاکھ سے زائد بار شائقین کی جانب سے دیکھا جا چکا ہے۔واضح رہے کہ ابھیشیک کپور کی ہدایت کاری میں بننے والی فلم ’کیدر ناتھ‘ میں سارہ علی خان ’مکو‘ اور سوشانت سنگھ راجپوت ’منصور‘ کا کردار ادا کر رہے ہیں۔ یہ فلم 7 دسمبر کو سنیما گھروں کی زینت بنے گی۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close