ہندوستان

سنندا پشکر موت :ششی تھرور کو ملی ضمانت

نئی دہلی : راجدھانی دہلی کی پٹیالہ ہاؤس عدالت نے سنندا پشکر کی موت کے معاملہ میں کانگریس کے سینئر لیڈر اور سابق مرکزی وزیر ششی تھرور کو ہفتہ کو ضمانت دے دی۔

مسٹر تھرور یہاں ایڈیشنل چیف میٹروپولیٹن مجسٹریٹ کے سامنے پیش ہوئے۔ عدالت نے کہا کہ مسٹر تھرور کو باضابطہ طور پر ضمانت درج کرانے کی ضرورت نہیں ہے کیونکہ سیشن کورٹ نے انہیں پیشگی ضمانت دے دی ہے۔اس معاملہ میں اگلی سماعت 26 جولائی کو ہوگی۔

دہلی پولیس نے چارج شیٹ میں مسٹر تھرور کو خودکشی کے لئے اکسانے اور بیوی کے ساتھ زیادتی کرنے کا ملزم بنایا ہے۔ پٹیالہ ہاؤس عدالت نے جمعرات کو انہیں اس معاملہ میں پیشگی ضمانت دی تھی۔

قابل غور ہے کہ مسٹر تھرور کی اہلیہ سنندا پشکر 17 جنوری 2014 کو يها ں ایک فائیو اسٹارہ ہوٹل میں مشتبہ حالات میں مردہ پائی گئی تھیں۔مسٹر تھرور پر سنندا پشکر موت معاملہ میں دفعہ 306 اور 498 کے تحت مقدمہ چل رہا ہے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close