بہارپٹنہ

’سوچ سے سوچ کی لڑائی‘ میں تعلیم اور روزگار کا معاملہ چھایا رہا

بہار یوتھ کانگریس کے زیر اہتمام کالج آف کامرس میں پروگرام کا انعقاد

پٹنہ: بہار یوتھ کانگریس کے زیر اہتمام منعقد ’’سوچ سے سوچ کی لڑائی‘‘ پروگرام میں تعلیم اور روزگار کے سوالات چھائے رہے۔ کالج آف کامرس کے آڈیٹوریم ہال میں آج بڑی تعداد میں جمع ہوئے طلبا کے مفاد سے جڑے مدعوں کا ایک ایک کر کے جواب دیتے ہوئے یوتھ کانگریس کی قومی انچارج کرشنا الواڈو نے کہا کہ پرائمری تعلیم اور صحت ان کی پارٹی کی ترجیحات میں ہیں۔ طلبا کو روزگار ملنا چاہئے ورنہ یہ مشنری کی ناکامی ہے۔ آبادی پالیسی کی بات کرتے ہوئے انہوں نے کہا کہ ہماری پالیسی جمہوری ملک کے ناطے بہت واضح ہے۔
سابق کانگریس سرکار کی حصولیابیوں کا ذکر کرتے ہوئے انہوں نے کہا کہ چاہے عورتوں کی عزت کی بات ہو، یا اقلیتوں کا تحفظ ، کانگریس پارٹی ہمیشہ سے سب کا احترام کرتی رہی ہے۔ معلوم ہوکہ بہار انچارج امت یادو کی ہدایت کے مطابق 6دسمبر کو ’’سوچ سے سوچ کی لڑائی‘‘پروگرام کا انعقاد کیا گیا۔ اس سلسلے میں بہار یوتھ کانگریس کے سکریٹری کمار روہت نےبتایا کہ ملک کی حالت میں تبدیلی لانے کےلئے اور بہار کے نوجوانوں کو اس میں شامل کرنے کےلئے یہ پروگرام منعقد کیا گیا ۔
اس پروگرام میں کلیدی مقرر کے طور پر یوتھ کانگریس کے کرشنا الواڈو اور ایم ایل سی پریم چندر مشرا کے ساتھ ساتھ سماج کے دانشوروں نےمیڈیا ، انتظامیہ کے افسران اور اساتذہ و پروفیسران بھی شامل ہوئے ۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close