ہندوستان

فری لانس کال گرلس کا ریکٹ بنا چکی تھی جنسی تجارت کی لیڈی ڈان

کیا سونو پنجابن پیدائشی مجرم تھی؟ نہیں لیکن اس نے جرائم کا راستہ چنا اور اس راستے پر وہ اپنی دھن میں ہی آگے بڑھتی چلی گئی۔ہریانہ کے روہتک میں ایک عام خاندان کی لڑکی تھی گیتا۔پڑھی لکھی کم تھی لیکن میٹھی باتیں اور اچھی زبان اس کے پلس پوائنٹ تھے۔اس کی زندگی کی پہلی غلطی تھی گینگستڑ وجے کے ساتھ رشتہ جوڑنا۔شروع سے ہی گیتا کو بدمعاش اور گنڈے قسم کے لڑکے پسند تھے اور اسی وجہ سے وہ وجے کے ساتھ شادی کر چکی تھی۔

بدنام گینگسٹر شری پرکاش شکلا کا قریبی کہا جانے والا وجے پولیس کی نظروں میں چڑھ چکا تھا ۔ایک بیوٹی پارلر چلانے والی گیتا جب حاملہ تھی تبھی وجے پولیس کی گولیوں کا شکا ر ہو گیا۔وجے کی موت کے کچھ ہی وقت بعد گیتا کے والس کی بھی موت ہو گئی اور اب گیتا نو زائدہ بچے کے ساتھ الیلی رہ گئی۔بڑی حسرتوں اور ارادوں والی گیتا نے کچھ ہی وقت مجبوریاں سہیں اور اس کے بعد پارلر کو جسم فروشی کے دھندے میں تبدیل کرنے کا راستہ تلا ش لیا۔

مددگار ملتے گئے اور گیتا اس دھندے میں آگے بڑھتی چلی گئی۔دہلی کے ساکیت میں ایک فلیٹ لیکر گیتا نے بدکاری کا پہلا اڈہ کھولا۔یہاں گیتا با قاعدہ لڑکیوں کو ٹریننگ دیا کرتی تھی۔انگریزی میں بات کرنا اور ہائی سوسائیٹی کے طور طریقوں کے بارے میں لڑکیوں کو بتاکر انہیں کسٹمر کو امپریس کرنے کیلئے تیار کرتی تھی۔گیتا کی سپلائی کی ہوئی لڑکیوں کیلئے جلد ہی ڈیمانڈ بڑھنا شروع ہو گئی تھی۔اب اسے منھ مانگی رقم ملتی تھی اور وہ پنجابن سے جانی جانے لگی تھی۔

کار چوری کے گروہ کا سرغنہ دیپک اسی درمیان گیتا کی زندگی میںیا ۔گیتا کو دیپک سے پیار ہوا اور کچھ ہی دنوں میں خبر ملی کہ آسام میں پولیس کے ایک شوٹ آؤٹ میں دیپک مارا گیا۔دیپک کے بھائی ہیمنت سونو نے گیتا کا بہت ساتھ دیا اور وہ گیتا کے کاروبار میں بھی بھر پور مدد کرنے لگا۔ادھر گیتا کا دھندہ بھی زبردست چل رہا تھا اور سونو کے ساتھ گیتا کا رومانس بھی ۔جلد ہی گیتااور سونو نےشادی کر لی۔

بتادیں کہ 2006 میں ہیمنت سونو اپنے دو ساتھیوں کے ساتھ پولیس انکاؤنٹر میں مارا گیا ۔یہ گیتا کیلئے ایک بڑا صدمہ تھا ۔سونو کو گیتا نے اپنے بہت قریب محسوس کیا تھا اس لئے اس نے سونو کا نام اپنے نام کے ساتھ جوڑ لیا اور اب وہ بن چکی تھی سونو پنجابن۔اس کے بعد تین سال تک سونو پنجابن اپنے دھندے میں کئی مشکلوں کا سامنا کرتی رہی۔اگلے دو سالوں میں پولیس کیس سونو کے خلاف درج ہوئے ،حالانکہ وہ دھڑلے سے ان کیسوں سے بچ نکلنے میں کامیاب ہوئی۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close